"'Never ye mind that,' quo' he, 'them that brought us the news rade night and day, and ye maun be aff instantly if ye wad do ony gude--and sae I have naething mair to tell ye.'--Sae he sat himself doun and hirselled [*Creeping sideways in a sitting posture by means of the hands.] doun into the glen, where it wad hae been ill following him wi' the beast, and I cam back to Charlies-hope to tell the gudewife, for I was uncertain what to do. It wad look unco-like, I thought, just to be sent out on a hunt-the-gowk errand wi' a land-louper [*Vagrant] like that. But, Lord! as the gudewife set up her throat about it, and said what a shame it wad be if ye was to come to ony wrang, an I could help ye;and then in cam your letter that confirmed it. So I took to the kist, and out wi' the, pickle [*A supply.] notes in case they should be needed, and a' the bairns ran to saddle Dumple. By great luck I had taen the other beast to Edinbro', sae Dumple was as fresh as a rose Sae aff I set, and Wasp wi' me, for ye wad really hae thought he kenn'd where I was gaun, puir beast; and here I am after a trot o' sixty mile, or near by. But Wasp rade thirty of them afore me on the saddle, and the puir doggie balanced itself as ane o' the weans wad hae dune, whether I trotted or cantered."In this strange story Bertram obviously saw, supposing the warning to be true, some intimation of danger more violent and imminent than could be likely to arise from a few days' imprisonment. At the same time it was equally evident that some unknown friend was working in his behalf. "Did you not say," he asked Dinmont, "that this man Gabriel was of gipsy blood?""It was e'en judged sae," said Dinmont, "and I think this maks it likely; for they aye ken where the gangs o' ilk ither I are to be found, and they can gar news flee like a footba' through the country an they like. An' I forgat to tell ye, there's been an unco inquiry after the auld wife that we saw in Bewcastle; the Sheriffs had folk ower the Limestane Edge after her, and down the Hermitage and Liddel, and a' gates, and a reward offered for her to appear, o' fifty pound sterling, nae less; and justice Forster, he's had out warrants, as I am tell'd, in Cumberland, and an unco ranging and riping [*A Searching.] they have had a' gates seeking for her; but she'll no be taen wi' them unless she likes, for a'
that."
"And how comes that?" said Bertram.
"Ou, I dinna ken; I daur say it's nonsense, but they say she has gathered the fern-seed, and can gang ony gate she likes, like Jock-the-Giant-killer in the ballant, wi' his coat o'darkness and his shoon o' swiftness. Ony way she's a kind o' queen amang the gipsies; she is mair than a hundred year auld, folk say, and minds the coming in o' the moss-troopers in the troublesome times when the Stuarts were put awa. Sae, if she canna hide herself, she kens them that can hide her weel eneugh, ye needna doubt that. Odd, an I had kenn'd it had been Meg Merrilies yon night at Tibb Mumps's, Iwad taen care how I crossed her."Bertram listened with great attention to this account, which tallied so well in many points with what he had himself seen of this gipsy sibyl. After a moment's consideration, he concluded it would be no breach of faith to mention what he had seen at Derncleugh to a person who held Meg in such reverence as Dinmont obviously did. He told his story accordingly, often interrupted by ejaculations such as, "Weel, the like o' that now!" or, "Na, deil an that's no something now!"When our Liddesdale friend had heard the whole to an end, he shook his great black head--"Weel, I'll uphaud there's baith gude and ill amang the gipsies, and if they deal wi' the Enemy, it's a' their ain business and no ours.--I ken what the streeking the corpse wad be, weel eneugh. Thae smuggler deevils, when ony o' them's killed in a fray, they'll send for a wife like Meg far eneugh to dress the corpse; odd, it's a' the burial they ever think o'! and then to be put into the ground without ony decency, just like dogs. But they stick to it, that they" be streekit, and hae an auld wife when they're dying to rhyme ower prayers, and ballants, and charms, as they ca' them, rather than they'll hae a minister to come and pray wi' them--that's an auld threep o' theirs; and I am thinking the man that died will hae been ane o' the folk that was shot when they burnt Woodbourne.""But, my good friend, Woodbourne is not burnt," said Bertram.
"Weel, the better for them that bides in't," answered the store-farmer. "Odd, we had it up the water wi' us, that there wasna a stane on the tap o' anither. But there was fighting, ony way; I daur to say, it would he fine fun! And, as I said, Ye may take it on trust, that that's been ane o' the men killed there, and that it's been the gipsies that took your pockmanky when they fand the chaise stickin' in the snaw--they wadna pass the like a'
that--it wad just come to their hand like the bowl o' a pint stoup." [*The handle of a stoup of liquor; than which, our proverb seems to infer, there is nothing comes more readily to the grasp.]
"But if this woman is a sovereign among them, why was she not able to afford me open protection, and to get me back my property?""Ou, wha kens? she has muckle to say wi' them, but whiles they'll tak their ain way for a' that, when they're under temptation. And then there's the smugglers that they're aye leagued wi', she maybe couldna manage them sae weel-they're aye banded thegither--l've heard that the gipsies ken when the smugglers will come aff, and where they're to land, better than the very merchants that deal wi'
them. And then, to the boot o' that, she's whiles crack-brained, and has a bee in her head; they say that whether her spaeings and fortune-tellings be true or no, for certain she believes in them a'